SERMON TU JAMITA PARTANGIANGAN - MINGGU PALMARUM, 29 MARET 2026 (PSALMEN 31 : 8 - 16)

PSALMEN 31 : 8 - 16 

      TOPIK: JESUS KRISTUS DO TUHAN

(YESUS KRISTUS ADALAH TUHAN)

1. Patujolo

Buku Psalmen ima sada buku na mansai arga di tradisi dohot pamujion ni halak Israel, jala buku on marisihon angka ende pujian, tangiang pangidoan, panindangion, manang pangalualuan ni halak na mangadopi angka hamaolon manang parungkilon na masa di ngoluna. Psalmen 31 : 8 – 16 marisihon tangiang ni Par-Psalmen (sian si David) mangido haluaon tu Debata asa dipalua sian sian musuna. Daud mengungkapkan perasaan tertekan, dikelilingi musuh, dan mengalami penderitaan yang berat. Namun di tengah keadaan itu, ia tetap percaya bahwa Tuhan melihat kesusahannya dan tidak meninggalkannya. Nangpe gok angka musuna, jala lam maol pardalanan ni ngoluna, na pos do rohaNa tu Debata jala sai marhaposan tu Debata do ibana.  Asa lam tangkas, tajaha ma hatorangan ni turpuk on.

II.      Hatorangan ni Turpuk

Ay. 8 – 9, marolopolop do roha ni Par-Psalmen marnida asi ni roha ni Debata jala ditatap Debata do pardangolanna, jala ndang dibahen Debata do ibana madabu tu tanganni angka musuna. Tongtong do didongani Debata ia Par-Psalmen. Hata “halambason” ima sian Hata Heber מֶרְחָב – merḥav, tempat luas, ruang kebebasan. Tuhan membebaskan umat-Nya dari tekanan menuju ruang hidup yang penuh kelegaan. Dipajongjong Debata do pat ni Par-Psalmen (martudutudu tu ngoluna) tu inganan na lambas (dipalua Debata do ibana sian angka na dangol dohot tangan ni musu).

Ay. 10 – 14, dipaboa Par-Psalmen do keadaan ni ngoluna tingki masa hagogotan i, jala maras do roha nang dagingna mangadopi na masa i. Naeng suda ngoluna, merus gogona, jala ndang mangalo be holiholina marningot angka na masa i, tarlumobi di angka dosana maradophon Debata. Keadaan ni Par-Pslamen hira halak na mate jala naeng ambolong nama ibana mangadopi na masa i. Pemazmur memohon kasih karunia Allah karena penderitaan yang menyentuh seluruh keberadaannya: emosi (mata), batin (jiwa), dan fisik. Kesedihan panjang melemahkan kekuatan hidup. Pemazmur juga menyadari bahwa penderitaan bisa berkaitan dengan kesadaran dosa. Penderitaan sering membawa manusia pada introspeksi rohani. Angka na masa i mambahen angka dongan magodangna gabe holang sian par-Psalmen, jala nunga adong na marsidingsiding manghatahon ibana laho padabuhon Par-Psalmen. Alani Par-Psalmen mangido asi ni roha sian Debata asa dilehon gogo, jala dipalua sian hagogotan nang musuna. Hata “Asi ma RohaM” ima sian Hata Heber חָנַן – ḥānan - mengasihani, memberi anugerah.

Ay. 15 – 16, on ma tangiang jala panindangion ni Par-Psalmen tu Debata. Ai dihatingdanghon ibana do Debata, jala marhaposan tu Debata do ibana. Di tengah krisis, pemazmur membuat deklarasi iman. Kepercayaan dan penyerahan diri total kepada Tuhan menjadi titik balik dari ratapan menuju harapan. Jala marguru tu sangkap ni Debata do parsorion ni ngoluna. Pemazmur mengakui bahwa seluruh perjalanan hidup berada dalam kedaulatan Allah (Tangan Tuhan). Pos do rohana, paluaon ni Debata do ibana sian musu dohot na mangalotongi par-Psalmen. Hata “palua” ima sian Hata Heber נָצַל –menyelamatkan / melepaskan. Paluonni Debata do angka na marhaposan tu Ibana sian hagogotan nang angka na masa i di ngoluna.

3. Refleksi

        Turpuk on mangajari hita asa sai marhaposan tu Debata Jahowa nangpe masa angka hagogotan, sitaonon, nang parungkilon di pardalanan ni ngolunta, tarlumobi di ekonomi, hahipason, nang sian horong keluarga na sipata patubuhon arsak ni roha di na masa on. Ai Ibana do Debata na tuk paluahon jala margogoihon hita mandalani ngolunta on. Alani ingkon marpanghirimon jala marpangidoan hita songon na diulahon Par-Psalmen on. Molo sai marhaposan hita tu Debata, jala mangido hita di bagasan tangiang tu ibana, huhut marguru hita tu sangkap ni Debata na mangaturhon pardalanan ni ngolunta, sai lehononna do gogo jala paluaonna hita sian angka na masa i hombar tu tingkiNa. Tuhan yang selalu menguatkan diri setiap orang percaya ketika kesusahan dan kesulitan hidup itu terbentang di depan perjalanan hidup kita. Ada harapan setelah ratapan dan kesulitan. Ada harapan ketika kita sepenuhnya bersandar dan memohon kekuatan dari Tuhan. Unang lomos, jala tiop gomos haporseonta tu Debata. Posma rohanta tu Debata, paluaonna do hita. AMEN. 

Firman Oktavianus Hutagaol

Sihite - Doloksanggul, 16 Maret 2026

Pendeta Fungsional di HKBP Sihite - Resort Sihite - Distrik III Humbang

SERMON TU JAMITA MINGGU - MINGGU PALMARUM - 29 MARET 2026 (PILIPPI 2 : 5 - 11)

PILIPPI 2 : 5 - 11   

      TOPIK: JESUS KRISTUS DO TUHAN

(YESUS KRISTUS ADALAH TUHAN)

1. Patujolo

Surat ni Apostel Paulus mandapothon Huria Pilippi digurithon tingki di bagasan hurungan dope ibana. Huria Pilippi ima sada sian sude huria na jonok tu Apostel Paulus. Nangpe songon i, sai adong do sian huria angka parbadaan, na sai mangharinghothon di dirina sandiri, jala ndang martoruk ni roha di bagasan huria i. Alani digurithon do surat on laho: patoguhon haporseaon ni huria i, mangarahon nasida asa martoruk ni roha suman tu Kristus huhut mangolu di bagasan hasadaon, jala asa maniru tiruon na denggan di bagasan Kristus. Jala turpuk on ima mangarahon huria Pilippi dohot saluhutna angka na porsea i asa mangokuhon hadirion ni Jesus Kristus, maniru na denggan i sian Kristus, huhut martoruk ni roha suman tu Kristus i. Asa lam tangkas, tajaha ma hatorangan ni turpuk on.

2. Hatorangan ni Turpuk

Ay. 5 – 8, diarahon Apostel Paulus do huria Pilippi nang halak na porsea i asa sada nasida saroha – sapingkiran manghaholongi jala martoruk ni roha suman tu parrohaon ni Kristus i. Hata “parrohaonmuna” ima sian Hata Gorik φρονέω (phroneō) = memiliki pola pikir / sikap batin yang satu dan sama. Rasul Paulus Rasul mengajak jemaat memiliki pola pikir yang sama seperti Kristus, yaitu kerendahan hati dan kerelaan berkorban. Ini bukan hanya sikap pribadi tetapi juga budaya hidup dalam komunitas gereja. Ai rupa ni Debata do Jesus Kristus i, alai dirajumi Jesus do ndang tudosNa i tu Debata. Yesus memiliki hakikat ilahi (setara dengan Allah), namun tidak mempertahankan hak itu demi diri sendiri. Ia tidak menggunakan keilahian-Nya untuk keuntungan pribadi. Alai dirumari Jesus do diriNa jala disolukhon rupana songon hatoban, jala suman tu jolma i do diriNa jala rumang ni jolma i do dapot ibana. Hata “dirumari” ima sian Hata Gorik κενόω (kenoō) = mengosongkan diri. Ini disebut teologi “kenosis.” Yesus mengosongkan diri, mengambil peran sebagai seorang “hamba” dan menjadi “manusia.” Ini menekankan solidaritas Allah dengan manusia. Dipatutoru Jesus do diriNa jala unduk huhut satia do Ibana mangulahon parsuruon ni AmaNa – mate tarsilang laho paluahon angka na mardosa dohot portibi on. Mansai tangkas do Holong ni Debata marhite ulaon ni Jesus i. Hata “patutoru” ima sian Hata Gorik ἐταπείνωσεν (etapeinōsen) = merendahkan diri. Hata “pangoloi” ima sian Hata Gorik ὑπήκοος (hypēkoos) = taat, jala hata “silang” ima sian Hata Gorik σταυρός (stauros) = salib. Yesus menunjukkan ketaatan total kepada Allah, dengan mati di Kayu Salib – yang pada masa Romawi, hukuman Salib merupakan hukuman yang paling hina dan dikategorikan untuk para penjahat. Dipatuduhon Jesus do haunduhon, hasatiaon, nang pangoloionNa tu Debata gabe mate di hau Silang. Marhite hamamateNa di hau silang i, taruli jala malua do angka pardosa i alani mudarNa. Alani angka na porsea i nang huria Pilippi ingkon marroha mauliate mangauhon panghophop ni Tuhan i huhut martoruk ni roha songon suman ni Kristus i.

Ay. 9 – 11, alani roha ni Kristus i nang haundukhonNa, gabe dipatimbo Debata do Ibana. Karena kerendahan hati Kristus, Allah memuliakan Yesus Kristus secara luar biasa. Kerendahan Hati Kristus membawa kemuliaan. Hata “dipatimbo” ima sian Hata Gorik ὑπερύψωσεν (hyperypsōsen) = meninggikan setinggi-tingginya. Gabe sumurung do goar ni Kristus sian nasa goar, jala saluhutna na sa ulu ni tot, na adong di banua ginjang, di portibion nang di banua toru ni tano asa marsomba, marhapotothon, jala mangokuhon: JESUS KRISTUS DO TUHAN. Hata “marhatopothon” ima sian Hata Gorik ἐξομολογέω (exomologeō) = mengaku secara terbuka. Seluruh ciptaan, mulai dari penghuni surga, penguhini dunia, dan dunia orang mati mengakui bahwa Yesus adalah Tuhan. Dipatuduhon Jesus do hadirionNa – na tutu situtu do Ibana Debata.      

III.   Refleksi

            Di Minggu Palmarum on (daun palma, daun palem, maremare) jala dipahombar tu turpuk on patuduhon hadirion ni Kristus na gok hamuliaon i na rade Ibana martoruk ni roha, patutoru diri mambuat rupa songon “hatoban,” jala mangoloi parsuruon ni Debata tu hau silang asa dapotan haluaon angka na mardosa i. Ini menunjukkan gambaran “Raja Yang Rendah Hati,” bukan dengan kekuatan militer, melainkan datang dengan peran yang dipandang rendah oleh banyak orang, tetapi mampu membawa kemuliaan bagi banyak orang yang percaya kepada-Nya. On ma na ingkon sitiruon ni angka na porsea i, asa martoruk ni roha songon suman ni Kristus, ai ido dipangido tu hita angka na porsea i. Kita diingatkan untuk memiliki kerendahan hati seperti Yesus Kristus, yang rela mengosongkan diriNya, kemudian rela merendahkan diriNya untuk disalibkan demi menebus dosa umat manusia dan memberikan jaminan kehidupan kekal bagi orang percaya. Mansai balga do holong ni Jesus tu angka na porsea di Ibana, asa malua sian dosa jala dapotan tohap na ummuli marhite hangoluan na sora suda diharajaonNa. Bernit do di taon Jesus laho pasaehon dosanta. Alai jotjot do taparsoadahon panghophopNa nang holongNa i. Gabe gumodang do hita manghasiholi jala manghalomohon gogo ni portibion dohot hagiot ni daging. Gumodang sian hita na mangokuhon jala mardebatahon hagogoon ni portibion, tarlumobi mardebatahon angka digital (handphone) nuaeng gabe humurang hita marparsaoran dohot Debata nang Kristus. Alani di Minggu Palmarum on, ingkon sadalan do roha dohot ngolunta on manghatindanghon jala mamuji hadirion ni Kristus na parholong roha i, na manobus hita sian dosa hamatean i. Patedek sude hahurangan, topoti sude dosanta, jala pangido tu Debata asa disesa sude pangalaosionta. Mandok mauliate ma hita tu Jesus, jangkon jala auhon panghophopNa i. Marparange ma hita suman tu parange na hinalomohon ni Kristus i. AMEN.

Firman Oktavianus Hutagaol

Sihite - Doloksanggul, 16 Maret 2026

Pendeta Fungsional di HKBP Sihite - Resort Sihite - Distrik III Humbang

SERMON TU JAMITA PARTANGIANGAN - MINGGU JUDIKA, 22 MARET 2026 (ROM 8 : 6 - 11)

ROM 8 : 6 - 11 

      TOPIK: DEBATA MANGALEHON TONDI HANGOLUAN

(TUHAN PEMBERI NAFAS KEHIDUPAN)

1. Patujolo

Surat Apostel Paulus tu Huria Rom ditujuhon tu halak Jahudi dohot Non – Jahudi naung gabe Kristen. Ala perbedaan latar belakang ruas i, gabe adong parasingan ni pangantusion nasida di patik, dosa, nang songon i rumang ni parhuriaon. Alani digurithon Apostel Paulus do surat on asa lam diantusi nasida angka na ringkot i jala asa lam tu dengganna ngolu parhuriaon nasida. Surat ni Apostel Paulus tu Huria Rom on gumodang marisihon angka risalah teologi na sistematis manang rumang ni halak na porsea di Hakristenon. Di turpuk Rom 8 : 6 – 11 ima pangajarion tu ruas ni huria asa mangolu jala marguru di bagasan Tondi ni Debata dung mansai tangkas panandaon nasida di dosa. Di turpuk on, dipatorang Apostel Paulus do parasingan ni ngolu ni halak na mangolu di bagasan daging dohot na mangolu di bagasan partondion. Dalam bagian ini juga, Paulus menegaskan bahwa Roh Kudus memerdekakan manusia dari kuasa dosa dan memberi jaminan kehidupan kekal. Asa lam tangkas, tajaha ma hatorangan ni turpuk on.

II.      Hatorangan ni Turpuk

Ay. 6 – 7, dipatorang Apostel Paulus do ia hamatean harohaon ni daging. Hata “daging” ima sian Hata Gorik σάρξ (sarx) → daging, jala hata “hamatean” ima sian Hata Gorik θάνατος (thanatos) → kematian. Hidup menurut daging membawa kepada kematian rohani. Alai harohaon ni Tondi dapotan hangoluan dohot hadameon. Hata “tondi” ima sian Hata Gorik πνεῦμα (pneuma) → Roh, hata “hangoluan” ima sian Gorik ζωή (zōē) → kehidupan, dohot hata “hadameon” ima sian Hata Gorik εἰρήνη (eirēnē) → damai sejahtera. Hidup menurut Roh Kudus membawa kepada kehidupan dan damai sejahtera. Mansai ringkot do on ala ngolu ni halak na porsea ndang marguru tu dosa (pardagingon), alai marguru tu Tondi ni Debata do na mangalehon hangoluan dohot hadamaeon na gok panghirimon i. Bagian ini menjadi penting karena menunjukkan bahwa orang percaya tidak lagi dikuasai oleh dosa, melainkan dipimpin oleh Roh Kudus yang memberikan kehidupan dan pengharapan akan kebangkitan.

Ay. 8 – 9, molo sai marguru tu ngolu ni pardagingon (portibion) dohot roha daging, ido naso dihalomohon Debata di ngolu ni angka na porsea i. Halak na marguru tu dosa manang ngolu pardagingon (portibion) ima halak na so maringanan di bagasan Tondi ni Debata manang Tondi ni Kristus. Orang yang hidup dalam keinginan daging berdosa dan kekuatan dunia ini tidak dapat menyenangkan Allah, karena dirinya tidak mau dipimpin oleh Roh Tuhan. Identitas ni halak na porsea i maringanan do Tondi ni Debata / Kristus di bagasan dirina. Hata “maringanan” ima sian Hata Gorik οἰκεῖ (oikei) → diam / tinggal. On patuduhon tu hita mansai ringkot do ngolu namarguru tu Tondi ni Debata. Jika Roh Allah tinggal (oikei) dalam seseorang, dia milik Kristus.

Ay. 10 – 11, nang pamatang ni daging on mate (adong partingkianna), alai halak na porsea i ingkon mangolu di bagasan Tondi ni Debata, asa mangolu do partondionna di bagasan hatigoran. Marhite Tondi ni Debata, ido na manungguli hita jala diboto angka na porsea do dia lomo ni roha ni Debata huhut diarahon Tondi i do mangulahon i. Ai Tondi ni Debata do na manungguli Jesus hehe sian na mate, jala Tondi i do na manungguli hita huhut maringanan di bagasan hita. Hata “manungguli” ima sian Hata Gorik ἐγείρω (egeirō) → membangkitkan. Dipatorang Paulus do ia Tondi ni Debata marhuaso di halak na porsea, songon Tuhan Jesus na disungguli Tondi ni Debata sian hamatean i. Huaso ni Tondi i mangalehon panghirimon tu hita halak na porsea, ai pahehehon jala disungguli ni Tondi i do songon Jesus naung parjolo disungguli jala hehe sian hamatean i.   

3. Refleksi

        Turpuk on mangarahon hita asa sai marguru tu Tondi ni Debata, na mangalehon gogo, panghirimon, hangoluan, jala hadameon tu hita. Ngolu ni halak na porsea i ingkon marguru tu Tondi ni Debata, unang marguru tu dosa manang ngolu ni pardagingon (dosa). Ngolu na sai marroha daging nang portibion mangarahon diri tu hamatean, tarlumobi di partondion nang haporseaon. Ai musu ni Debata do ia halak na sai mangolu di bagasan pardagingon, tarlumobi di partingkian nuaeng. Di partingkian nuaeng, lam godang tantangan ni ngolu, hagiot ni daging nang elaela sian portibion, tarlumobi di angka pangalaho na roa i, termasuk angka juji online, pangalangkupon, parmainanon, mamele tu tondi portibion, dohot angka lan na asing na boi pamatehon haporseaon nang partondion ni angka na porsea i. Manat ma hita marnida angka na masa on sotung gabe tarelaela hita alani hisaphisap ni daging nang portibion. Dipaingot do hita asa sai marguru tu Tondi ni Debata binsan mangolu dope hita di portibi on, asa marlapatan ngolunta on, jala dapotan hangoluan dohot hadameon ngolunta. Ai Tondi i do na manungguli hita jala pahehehon hita songon ulaonNa tu Kristus. Alani, marpangalaho na denggan jala marguru ma hita tu Tondi ni Debata. AMEN. 

Firman Oktavianus Hutagaol

Sihite - Doloksanggul, 16 Maret 2026

Pendeta Fungsional di HKBP Sihite - Resort Sihite - Distrik III Humbang

SERMON TU JAMITA MINGGU - MINGGU JUDIKA - 22 MARET 2026 (HESEKIEL 37 : 1 - 14)

HESEKIEL 37 : 1 - 14   

      TOPIK: DEBATA MANGALEHON TONDI HANGOLUAN

(TUHAN PEMBERI NAFAS KEHIDUPAN) 

1. Patujolo

Panurirang Hesekiel ima sian Horong ni Malim Zadok, jala dohot do tarbuang tu Babel ibana tingki 597 SM, jala turpuk on digurithon tingki di habuangan ni Babel. Hatiha i, dung tartaban bangso Israel i, masa ma angka krisis di nasida, tarlumobi di haporseaon, panghirimon, nang identitas nasida (pat. Hes. 37 : 11). Alani na masa i, ro ma pangungkapon na sian Debata tu Hesekiel asa dipasahat tu tonga na bangso i. Turpuk on ima parnidaan ni si Hesekiel tu sada inganan ima rura na gok holiholi (lembah tulang kering). Pengelihatan ini merupakan simbol pemulihan Umat Israel yang putus asa dan kehilangan pengharapan. Akan tiba waktu-Nya, Tuhan sanggup memulihkan dan menghidupkan kembali Umat-Nya. Asa lam tangkas, tajaha ma hatorangan ni turpuk on.

2. Hatorangan ni Turpuk

Ditogihon tangan dohot Tondi ni Debata do ia si Hesekiel marnida sada pangungkapon na gabe gombaran ni situasi ni bangso Israel tingki i dohot tu tingki na ro. Hata “Tondi” ima sian Hata Heber רוּחַ (Ruach) – Roh / angin / nafas. On patuduhon huaso ni Debata marhite Tondi ni Jahowa na manogihon angka panurirangNa asa boi marnida ragam ni pangungkapon na pinasahat ni Debata tu nasida. Ditogihon Tondi ni Jahowa do si Hesekiel tu tongatonga ni rura na gok holiholi ni jolma na mate, jala dibolus ibana do huhut diida marrahan ma angka holiholi i di atas ni sisik ni rura i. Hata “holiholi” ima sian Hata Heber עֲצָמוֹת (Atzamot) – tulang-tulang, na patuduhon gombaran ni hamatean jala halak na so adong panghirimon. Alai tudosan on, gabe manggombarhon kondisi ni bangso Israel na so adong be panghirimonna alani krisis haporseaon na masa di nasida. Dung i disukkun Debata do si Hesekiel tagamon do tarpangolu angka holiholi i. Dibagasan unduk dohot serep ni roha do ianggo si Hesekiel mangalusi jala dihatindanghon ibana do ai holan Debata do na umboto i. Sungkunsungkun na pinasahat ni Debata tu Hesekiel laho manguji hasatiaon ni ibana songon panurirang ni Debata, jala denggan do alusna ala dirajumi si Hesekiel, holan Debata do na boi mangulahon jala umboto i. Ini menunjukkan bagaimana kerendahan hati seorang Nabi yang patuh, taat, dan setia pada Tuhan, di mana ia mengetahui bahwa dirinya terbatas, sementara Tuhan dapat melakukan lebih dari apa yang dipikirkan serta dilakukan manusia.

Dipatuduhon Debata do huasoNa, jala diarahon ia panurirangNa manurirangi angka holiholi na masak i asa manangihon Hata ni Jahowa. Tudosan angka holiholi na masak i martudutudu tu bangso Israel naung mate jala mago partondion nang panghirimonna tu Debata. Alani diarahon do bangso i asa “mulak mangolu” partondion, panghirimon, nang haporseaonna marhite na manangihon jala manghangoluhon Hata ni Debata Jahowa. Allah menghidupkan kembali bangsa tersebut dengan Firman Tuhan. Dilehon Debata do tu “holiholi na masak i" ima uraturat, sibuk, dohot hulinghuling asa mangolu nasida. Huaso ni Debata marhite HataNa patuduhon Holong ni Debata na paulihon, paturehon, jala pangoluhon angka naung “mate” – songon bangso Israel,  molo mulak nasida manangihon huhut mangulahon Hata ni Jahowa i.

Diulahon panurirang i do na nidok ni Debata, jala diida ibana do di bagasan pangungkapon i huaso ni Debata tu holiholi i hombar tu Hata naung disuriranghon Debata, jala angka daging ni jolma i marisihon tondi jala mangolu nasida, huhut gabe sada parangan na bolon do nasida. On ma gombaran ni bangso Israel molo olo nasida manangihon Hata ni Debata. Ai pangoluon ni Debata do nasida, jala dipauli Debata do nasida hombar tu tingkiNa. Angka halongangan na binahen ni Debata tu bangso i patuduhon hadirion ni Debata maradophon nasida, asa ditanda bangso i Debata Jahowa. Alani dilehon Debata do TondiNa asa mangolu bangso i, nang songon i halak na olo muba jala mulak – manangihon huhut manghangoluhon Hata ni Debata, asa unang “mate” partondion nang haporseaonna, alai “mulak mangolu” jala marpabue di ngoluna.      

III.   Refleksi

Gumodang do dipartingkian nuaeng – hita halak Kristen hira “holiholi” na mangolu, alai naung mate do partondion, haporseaon, nang panghirimon tu Debata. Alani turpuk on paingothon hita huhut patuduhon tu hita ima Huaso ni Debata marhite HataNa na pangoluhon partondion, haporseaon, panghirimon ni halak na porsea i. Jala marhite Tondi ni Debata, diarahon jala ditogihon hita mangulahon angka HataNa di pardalanan ni ngolunta huhut mamolus angka na masa.

        Molo dipahombar turpuk on tu Minggu Judika (Hata Latin: Judika me, Deus – Batak: Luluhon Ahu Ale Jahowa – Indonesia: Berilah Keadilan kepadaku, Ya Allah – Psalm/ Mzm 43:1) laho mangarahon hita asa mangolu di bagasan panghirimon huhut manghangoluhon HataNa. Dung taulahon i ganup ari ganup tingki, lam mangolu ma partondion nang haporseaonta marnida angka na masa di hita. Hata ni Debata dohot TondiNa mangalehon hangoluan dohot gogo tu halak na porsea i asa adong panghirimon nangpe ro angka sitaonon nang hamaolon i. Tuhan Allah sanggup mengubah kematian menjadi kehidupan, dan mengubah putus asa menjadi harapan, sama seperti Yesus Kristus, yang menggenapi semuanya melalui penderitaan, kematia, dan kebangkitanNya untuk menyelamatkan orang berdosa serta memberikan kehidupan Kekal bagi yang percaya kepadaNya. Alani di Minggu Judika on, nang di ari namangihut, lam tapajonok ma dirinta tu Debata, hangoluhon HataNa, jala pangido tu Debata, asa dipargogoi jala dituturi Tondi ni Debata hita mandalani ngolunta on hombar tu lomo ni rohaNa. AMEN.

Firman Oktavianus Hutagaol

Sihite - Doloksanggul, 16 Maret 2026

Pendeta Fungsional di HKBP Sihite - Resort Sihite - Distrik III Humbang

SERMON TU JAMITA PARTANGIANGAN - MINGGU LETARE, 15 MARET 2026 - 1 SAMUEL 16 : 1 - 13

1 SAMUEL 16 : 1 - 13 

      TOPIK: MARPARANGE SONGON ANGKA ANAK HATIURON

(HIDUP SEBAGAI ANAK-ANAK TERANG)

 I.        Patujolo

Buku Samuel bindu 16 on ima taringot tu pamilliton si David gabe raja manggantihon si Saul, ala di Bindu 15, na gagal do si Saul mangulahon parsuruon ni Debata maralohon Halak Amalek. Secara politik, hot dope raja si Saul di tonga ni bangso i. Alai hombar tu sangkap ni Debata, ndang tama be si Saul di jolo ni Debata, alani dipajongjong Debata do sada raja na imbaru hombar tu sangkapNa. Alani ro do si Samuel, Panguhum na pinillit ni Debata ro tu Bet-Lehem mamiahi si David, anak ni Isai gabe raja ni Israel na imbaru. Mansai tangkas do tarida Pamilliton ni Debata tu raja na imbaru i marhite marnida roha na di bagasan, ndang alani rupa manang penampilan. Dung dijalo si David pasupasu na sian Debata, songgop do Tondi ni Debata tu ibana, jala mangula Tondi i di ibana. Asa lam tangkas, tajaha ma hatorangan ni turpuk on.

II.      Hatorangan ni Turpuk

Ay. 1 - 3, dipaingot Debata do si Samuel asa unang marsak taringot tu pangalaho ni si Saul na maralo sian parsuruon ni Debata. Alani i, disangkap i Debata naeng bolonghononNa do si Saul asa unang gabe raja di Israel. Disuru ma si Samuel manggohi sahanna (tempat minyak yang terbuat dari tanduk) dohot miak, jala borhat ma ibana tu Bet-Lehem laho mamiahi raja na pinillit ni Debata, ima si David, anak ni si Isai. Nunga ro sangkap ni Debata, laho mamillit sahalak raja sian Bet-Lehem. Hata “nunga Hupillit” ima sian Hata Heber רֹאֶה לִּי (ro’eh li) – Aku telah melihat/ menyediakan bagi-Ku. Allah sendiri yang memilih raja. Sanga do biar roha ni Samuel ala molo dibege si Saul barita on, tontu gabe bunuonna ma si Samuel. Diarahon Debata do ia si Samuel asa manogu sada anak ni lombu laho mamele tu Jahowa, jala ingkon piionna do si Isai tu pamelean i. Dung pajumpang si Samuel dohot si Isai di ulaon i, ro ma angka parsuruon na asing muse sian Debata, tarlumobi di mamiahi na pinillit ni Debata i gabe raja. Hata “miahan” ima sian Hata Heber מָשַׁח (mashach) – mengurapi, kata mashach adalah akar dari kata “Mesias” מָשִׁיחַ – Mashiach, pengurapan berarti penetapan resmi oleh Allah.

Ay. 4 – 5, diulahon si Samuel ma parsuruon ni Debata tu Bet-Lehem laho patupahon pamelean, jala tarsonggot situtu do angka sintua na di huta i dung pajumpang dohot ibana, ala biar rohanasida nanaeng pasahathon angka uhuman na sian Debata do angka Panguhum na pinillit ni Debata. Alai dialusi si Samuel do ia harorona mamboan Hademahon do jala laho mamelehon pelean tu Debata do di huta i. Hata “hademahon” ima sian Hata Heber שָׁלוֹם (shalom) – damai, sejahtera. Ido lapatan ni haroro ni si Samuel tu luat i, na mamboan hademahon na sian Debata marhite na mamelehon pelean situtungon tu Debata rap dohot angka sintua nang pangisi ni huta i huhut mangulahon parsuruon ni Debata laho mamiahi sada raja na pinillit ni Debata sian huta i. Alani dipio si Samuel do sude pangisi ni huta i rap mamelehon pelean i tu Debata jala diuras ma saluhut pangisi ni huta i, tarlumobi di Isai dohot angka anakna, jala dison ma ro Hata ni Debata tu si Samuel ingkon dimiahi ibana ma sian pinompar ni si Isai.

Ay. 6 – 11, diida si Samuel ma saluhut anak ni si Isai, mulai sian si Eliab, Abinadab, Samma, nang songon i angka anakna na asing, alai ndang adong na pinillit ni Debata nangpe songon na tongam rupana nang pardagingonna. Ai ndang na sian i diida Debata gabe standar ni pamilliton ni Debata. Alani didok Debata do tu si Samuel asa unang marnida rupa, alana holan rupa do naniida ni jolma i, alai molo Debata Jahowa marnida roha na di bagasan do. Pandohan “roha na di bagasan do na niidaNa” ima sian Hata Heber וַיהוָה יִרְאֶה לַלֵּבָב (Adonai yir’eh lalevav) – TUHAN melihat hati, dari penggunaan kata לֵבָב (levav) - hati, pusat pikiran, kehendak, dan karakter. Roha do na ringkot jala diida Debata tu angka halak na pinillitna i. Dung dibege si Samuel ia Hata ni Debata, disungkun si Samuel ma tu si Isai atik adong anakna na asing na so di inganan i. Dialusi si Isai do jala didok ibana ia siampudan i na marmahan birubiru do, ima na margoar si David.

Ay. 12 – 13, disuru ma halak mangalapi si David, jala dung diida si Samuel ma pamatangna na tarrara, uli dohot rupana na, jala sorur do panailina, ro ma Hata ni Debata tu si Samuel, asa hehe ibana jala mamiahi si David. Ai ido halak na pinillit ni Debata asa gabe raja ni Israel, hombar tu sangkap ni Debata. Dibuat ma sahan jala dimiahi si Samuel ma si David hombar tu parsuruon dohot sangkap ni Debata tu si David. Dung dimiahi ibana, songgop ma Tondi ni Debata Jahowa di si David sahat tu jolo on. Hata “Tondi ni Jahowa” ima sian Hata Heber רוּחַ יְהוָה (Ruach YHWH) – Roh TUHAN. Pengurapan disertai kehadiran Roh Tuhan menunjukkan Kepemimpinan sejati. Alai sumurut ma Tondi Debata Jahowa sian si Saul (pat. 1 Sam 16:14). Dung salpu ma ulaon i, mulak ma si Samuel tu Rama.      

III.   Refleksi

        Turpuk on patuduhon tu hita taringot tu sangkap ni Debata di pardalanan ni ngolu halak na porsea i. Allah Memilih yang Kecil untuk Rencana Besar. Mangula do Debata jala mamasumasu do Debata hombar tu sangkapNa. Ai ido na sipata ndang boi tardodo jolma i angka sangkap ni Debata. Alani ingkon marguru do hita tu lomo ni rohaNa, ndang lomo ni rohanta. Ai mangula do Debata di ngolu halak na pinillitNa. Pamilliton ni Debata ndang marnida rupa, ulaon, parbinotoan, nang hamoraon sian portibi on, alai na sian roha parbagasan nang haporseaonnta. Ai roha na di bagasan i do na gabe inganan na badia di Debata, jala marhite rohanta do, mangula Tondi ni Debata di hita, na mangarahon hita mangulahon na hombar tu lomo ni rohaNa, na margogoihon hita, na mangapuli rohanta, jala patoguhon haporseoanta tu Ibana. Tuhan menilai dan memilih kita berdasarkan hati kita. Las ma rohanta tu Debata, na mamillit hita, mamiahi hita marhite TondiNa, jala mangalehon di hita haluaon marhite haroro ni Sipalua i sian pinompar ni si David. Di Minggu Letare on jala dipahombar ma tu turpuk on mangarahon jala pabotohon tu hita: Mangula do Debata di pardalanan ni ngolunta, jala adong do ragam ni pasupasu di angka sangkapNa tu hita. Minggu Letare dan nats ini menegaskan bahwa Allah sedang membentuk hati umat-Nya – pembaharuan hati, sebagaimana Ia melihat hati Daud. Seperti Daud diurapi sebelum masa kejayaannya, demikian juga Kristus akan dimuliakan melalui jalan penderitaan. Minggu Letare dan masa prapaskah ini menjadi pengingat bagi kita bahwa di ujung perjalanan itu ada terang—sebagaimana pengurapan Daud menjadi tanda awal karya besar Allah bagi umat-Nya. AMEN.

Firman Oktavianus Hutagaol

Sihite, 02 Maret 2026

Pendeta Fungsional di HKBP Sihite - Resort Sihite - Distrik III Humbang

SERMON TU JAMITA MINGGU - MINGGU LETARE, 15 MARET 2026 - EPESUS 5 : 8 - 14

EPESUS 5 : 8 - 14   

      TOPIK: MARPARANGE SONGON ANGKA ANAK HATIURON

(HIDUP SEBAGAI ANAK-ANAK TERANG)

I.        Patujolo

Surat ni Apostel Paulus tu huria Epesus, ima surat na digurithon ibana tingki di bagasan hurungan (hurang lobi di taon 60-62 SM), jala ditujuhon tu huria na adong di Epesus, sada kota na balga di Asia Kecil. Hatiha i, kota Epesus ima sada pusat perdagangan jala pusat ni ugamo na manomba angka ganaganaan, tarlumobi na marsomba tu Dewi Artemis (sada sian debata ni halak Gorik). Di bagian ni turpuk ta on, di Epesus 5 : 8 – 14 ima bagian praktis manang siparangehonon ni angka na porsea i asa marparange songon anak hatiuron. Adong haimbaruon ni status, ima sian haholomon tu hatiuron, ima sian haportibion gabe tiur di bagasan Debata. Adong transformasi, adong identitas na dipaimbaru, jala on ma joujou eskatologis, asa mangolu di bagasan hatiuron ala naung ro Jesus tu portibi on nang tu ngolu ni angka na porsea i. Asa lam tangkas, tajaha ma hatorangan ni turpuk on.

II.      Hatorangan ni Turpuk

Ay. 8 – 9, dung dipaandar Apostel Paulus angka hadirion ni haholomon nang angka parangena na mangolu di pardagingon dohot portibi sian ay. 3 – 7, dipatorang Apostel Paulus do di ayat 8 - 9 ima haimbaruon ni identitas, status, nang hadirion ni angka na porsea i dung mangolu nasida di bagasan hatiuron na sian Debata, ima di bagasan Kristus. Hata “tiur” ima sian Hata Gorik φῶς (phōs) – terang, terang secara rohani; sesuai kebenaran dari Allah, jala hata “anak hatiuron” ima sian Hata Gorik τέκνα φωτός (tekna phōtos) – anak-anak terang, identitas baru di dalam terang Tuhan Allah. Di bagasan parange hatiuron i marparbuehon angka habasaon, hatigoran, dohot hasintongan di parange nasida di ngolu siganup ari hombar tu parange ni Kristus. Hata “habasaon” ima sian Hata Gorik ἀγαθωσύνη (agathōsynē) – kebaikan moral dan nyata dalam tindakan hidup sehari-hari, hata “hatigoran” ima sian Hata Gorik δικαιοσύνη (dikaiosynē) – keadilan, hidup sesuai standar Allah, jala hata “hasintongan” ima sian Hata Gorik ἀλήθεια (alētheia) – kebenaran.

 Ay. 10 – 12, songon anak hatiuron do nasida, ingkon tangkas an nasida ma dia lomo ni roha ni Debata na ingkon siulahonon jala sipasidingon nasida di ngolu siganup ari. Hata “tangkasi” ima sian Hata Gorik δοκιμάζοντες (dokimazontes) – menguji, membuktikan, menilai dengan cermat; menyaring yang benar. Alani unang saor ngolu ni anak hatiuron i tu angka ulaon haholomon na soada parbuena, ala haholomon sian turpuk on martudutudu tu angka parange ni halak naung tarpodom jala mate do ngolu partondion, haporseaon, nang panghirimonna tu Debata. On ma ulaon ni anak Hatiuron i, pasidohot do nasida maminsang angka na halak na mangolu di bagasan haholomon, asa adong hamubaon ni roha di nasida. Hata “maminsang” ima sian Hata Gorik ἐλέγχετε (elegchete) – menegur, menyatakan salah. Ulaon ni angka anak hatiuron ima gabe parsidohot nasida di angka ulaon na denggan jala maminsang angka halak na mangolu di bagasan haholomon, tarlumobi di angka parange haholomon na ditabunihon nasida, isarana songon angka hagiot ni daging, parmainanon, ragam ni hahorangon, pangahution, marhata barangsi, marsomba tu angka gogo haportibion, dohot angka lan na asing na gok hailaon.

Ay. 13 - 14, patar doi saluhutna dung sinondangan ni Hatiuron na sian Kristus i. Ulaon ni hatiuron manondangi haholomon i jala paubahonna gabe inganan hatiuron. Hatiuron na marharoroan si Kristus manondangi ngolu ni halak na di bagasan haholomon, gabe mangalehon hamubaon ni roha gabe parsidohot nasida mangolu di bagasan hatiuron. Jesus do Hatiuron na sian Banua Ginjang i, jala mian ma sinondang ni hatiuron i di ngolu angka na porsea jala ingkon patar huhut diparangehon do saluhutna i di ngolu siganup ari. Jala hatiuron na binonan ni Kristus mangalehon hamonangan tu hatiuron sian haholomon i. Marhite sinondang na sian Kristus, angka na tarpodom jala mate partondionna, haporseaonna, nang panghirimonna alani haholomon i, gabe tarsunggul jala hehe nasida ala sinondang ni Kristus i. Hata “sondangan ni Kristus” ima sian Hata Gorik ἐπιφαύσει (epiphausei) – akan menyinari, terang Kristus yang menyinari dan memberi hidup. Ini adalah seruan pertobatan dan kebangkitan rohani; Kristus adalah sumber terang yang memberi kehidupan.  

III.   Refleksi

Turpuk on patuduhon tu hita adong perubahan identitas, status, nang hadirion ni angka halak naung manjangkon Kristus di bagasan ngoluna, jala marsinondang do ngoluna songon anak Hatiuron. Turpuk on mangarahon hita asa mangolu di bagasan Hatiuron huhut marparangehon angka parange Hatiuron na sian Kristus i. Halak naung disondangi hatiuron na sian Kristus ndang mangolu be nasida di angka parange haholomon nang haportibion, ndang mate jala tarpodom be haporseaon, panghirimon, nang partondionna maradophon Kristus. Gabe mangolu ma nasida di bagasan hatiuron Kristus i. Gabe parsidohot nasida maminsang jala pasidinghon angka parange haholomon i di ngolu siganup ari. On ma gabe las ni roha di angka anak hatiuron i, ala patar do Hatiuron ni Debata marhite Kristus na manondangi ngolu ni angka na porsea i jala mambahen nasida gabe anak hatiuron ni Debata.

        Molo dipahombar tu Minggu Letare, sian Hata Latin: Laetare – Bersukacitalah – Marlas ni roha ma hamu (Jes. 66:10 a), laho manggohi las ni rohanta di bagasan Kristus naung manondangi hita sian haholomon, dosa, nang hamataean i, gabe taruli hita jala gabe anak Hatiuron ni Kristus do hita. Alani ingkon marlas ni roha do hita alani Kristus. Dipaimbaru Kristus do hadirionta sian haholomon tu anak hatiuron, jala mangarahon hita asa marhamubaon ni roha di masa Prapaskah on, ala jonok nama Haluaon na pinatupa ni Kristus i marhite hamamatena. Las ni roha tubu sian Hamubaon ni roha na disondangi Kristus. Alani, di Minggu Letare on, ruas HKBP diarahon untuk marlas ni roha alani Kristus na ro manondangi roha nang dirinta asa tongtong mangolu hita di bagasan hatiuron nang panghirimon i. Nunga patar sondang dohot hatiuron ni Kristus i di hita, jala tarjou do hita asa mangolu songon anak hatiuron. AMEN.

Firman Oktavianus Hutagaol

Sihite, 02 Maret 2026

Pendeta Fungsional di HKBP Sihite - Resort Sihite - Distrik III Humbang

SERMON TU JAMITA PARTANGIANGAN - MINGGU OKULI, 08 MARET 2026 - HEBER 10 : 19 - 25

HEBER 10 : 19 - 25 

      TOPIK: PADIRI ROHA DOHOT HOSA MANGALULUI JAHOWA

(MENGARAHKAN HATI DAN JIWA UNTUK MENCARI TUHAN

I.        Patujolo

Buku Heber on dipasahat tu angka halak Kristen Jahudi na tongon mangadopi angka sitaonon nang parungkilon di ngolu siganup ari. Somal do jumpang hita di Surat Heber on ima angka panghataion naung somal ditaringoti di Padan na Robi, tarlumobi di angka Parsombaon, nang Ulaon ni Malim nang Bagas Joro ni Debata. Dipasahat ma Surat on tu halak Kristen Jahudi asa lam tang haporseaon nasida, tarlumobi di ngolu siganup ari nang sosial nasida na olo dielaela nasida jala ditogihon mulak muse tu patik nang Parugamoon ni Judaisme. Surat kepada Orang Ibrani ditujukan kepada komunitas Kristen berlatar belakang Yahudi yang sedang mengalami tekanan—baik penganiayaan sosial maupun godaan untuk kembali kepada Yudaisme. Di turpuk on, dung dipaandar Hasurungan dohot Hagogoon ni Panghophop ni Kristus i di ay. 1 -18, di ay. 19 - 25 on, dipaandar ma angka siparangehonon ni angka na porsea i mangauhon panghophop ni Kristus i. Asa lam tangkas, tajaha ma hatorangan ni turpuk on.

II.      Hatorangan ni Turpuk

Ay. 19 - 21, dipatorang Surat Heber on tu angka na porsea i, adong do hiras ni roha di angka na porsea laho bongot tu inganan na badia (martudutudu tu Harajaon ni Debata). Marhite mudarNa do, boi angka na porsea i bongot tu Harajaon ni Debata. Hata “mudar” ima sian Hata Gorik αἷμα (haima) – darah, menunjuk pada korban penebusan – yakni darah Kristus. Marhite mudar ni Jesus Kristus do, dibungka Debata dalan na imbaru jala na mangolu tu angka na porsea. Hata “dalan na imbaru” ima sian Pandohan Gorik ὁδὸν πρόσφατον (hodon prosphaton)- jalan yang baru, jala dagingNa (diri ni Jesus Kristus) gabe “rimberimbe” inganan na badia i, na boi padomuhon halak na porsea dohot Debata. Hata “rimberimbe” ima sian Hata Gorik καταπέτασμα (katapetasma) – tabir, mengarah kepada Tirai Bait Suci yang memisahkan Ruang Kudus dan Mahakudus, dan simbol “Tabir” menjadi simbol pemisahan manusia dari Allah. Karena itu, Tubuh Kristus yang dikorbankan di Kayu Salib membuka akses itu. Di bagasan inganan na badia i, dung disalpuhon rimberimbe bagas Joro i, disi do Jesus Kristus, Malin na Bolon, Sigomgom Bagas ni Debata. Hata bagas ni Debata ima sian Hata Gorik οἶκον τοῦ θεοῦ (oikon tou theou) – Rumah Allah, jala hata “Malim na Bolon”, ima sian Hata Gorik ἱερέα μέγαν (hierea megan) - Imam Besar, yakni Yesus Kristus.

Ay. 22 – 25, dung sahat angka na porsea i di Bagas Joro Na Badia i jala pajumpang dohot Malim na Bolon i, dipangidohon tu angka na porsea i asa marroha na sintong di bagasan hagogok ni haporseaon. Marhite mudar ni Jesus, naung diurasi roha jala diburi do diri ni angka na porsea i sian  panggora ni roha i. Hata “marroha na sintong” ima sian Hata Gorik προσερχώμεθα (proserchōmetha)- marilah kita mendekat, kata ini dipakai dalam ibadah Israel di mana imam masuk hadirat Allah. Hata “diurasi” ima sian Hata Gorik ῥεραντισμένοι (rerantismenoi) – dipercikkan, bahasa simbol untuk korban sembelihan di Perjanjian Lama (pemercikan darah), jala hata “diburi” ima sian Hata Gorik λελουμένοι (leloumenoi) - dibasuh. Dung dipanghilalahon angka na porsea i Panghophop ni Tuhan Jesus marhite mudar dohot dagingNa i, ditogihon do angka na porsea i momos ma maniop pangkirimon na diparhatopot i. Hata “momos” ima sian Hata Gorik κατέχωμεν (katechōmen)- berpegang erat, jala hata “na taparhatopot i” ima sian Hata Gorik ὁμολογίαν (homologian) - pengakuan iman. Haporseaon on ingkon momos dipeop, dihangoluhon, jala dihatindanghon halak na porsea i. Iman Kristen kepada Kristus ini harus dipertahankan di tengah tekanan dan penganiayaan. Diarahon do halak Kristen asa masiantoan dohot masipajujuan tu haholongon nang angka ulaon na denggan. Hata “masipajujuan” ima sian Hata Gorik παροξυσμὸν (paroxysmon)- rangsangan/ dorongan kuat, saling mendorong-menguatkan. Jala unang ditadingkon parpunguan na di bagasan Kristus i, songon na hinasomalhon ni na deba. Alani, ingkon masipaingotan do angka na porsea i na pinadomu di bagasan mudar dohot pamatang ni Kristus, ala lam jonok Ari ni Tuhan i. Hata “masipaingotan” ima sian Hata Gorik παρακαλοῦντες (parakalountes)-saling menasihati, jala hata “jonok ari i” ima sian Hata Gorik ἡμέραν (hēmeran) - Hari Tuhan, kedatangan Kristus. Ada dorongan eskatologis di mana semakin mendekati Hari Tuhan, maka semakin penting persekutuan yang saling mendorong, menguatkan, dan mengasihi dalam Kristus.

III.   Refleksi

Turpuk on patuduhon tu hita taringot tu hinadenggan ni mudar dohot daging ni Jesus na humongkop hita sian dosa, jala padomuhon hita dohot Debata di HarajaonNa. On ma siparangehonon i angka na porsea i mangauhon Panghophop ni Kristus i. Marhite mudarNa, dibungka Jesus do di hita Dalan Naimbaru jala Na Mangolu. Naeng ma hita marsihohot so mubauba di haporseaonta di Jesus Kristus. Tongtong ma tahalashon jala tahangoluhon Asi ni roha ni Debata naung sahat tu hita marhitehite Jesus Kristus.

            Di parngoluan na lam maju on, gumodang do halak na berorientasi tu ngolu pardagingon, ala mangalului ngolungolu sian ari senen sahat tu ari minggu, jala sipata nunga ditinggalhon be parpunguan angka porsea i. Ragat holan mamikiri ngolu si nuaeng, alai ndang mangharingkothon ngolu partondion. Tarida do sian angka ulaon ni hita jolma di tingki on, boi do hira na sibuk situtu idaon, alai anggo roha dohot pingkiranna holan na marpardomuan tu ngolu portibi on do. Alani dipaingot jamita sian surat Heber on do hita asa momos tatiop panghirimon na taparhatopot i. Molo tadok porsea hita di Tuhan Jesus, ndada holan di hata dohononta, alai naeng do tongtong tarida i di ngolunta siganup ari marhite pambahenan na tutu situtu patuduhon haporseaonta i. Allah telah mendekatkan dirinya dan membukakan jalan bagi kita melalui darah dan daging Kristus. Karena itu, kita di ajak untuk mendekat kepada Allah (ay. 22), berpegang pada pengakuan iman kepada Kristus (ay. 23), dan saling membangun dalam komunitas iman Kristen (ay. 24–25). AMEN.

Firman Oktavianus Hutagaol

Sihite, 02 Maret 2026

Pendeta Fungsional di HKBP Sihite - Resort Sihite - Distrik III Humbang